මම කළුවා. ගම මාරපන. කළුවා මාරපන ගිය කතාව ඔබලා අහල ඇති. මේ ඒ කළුවා නොවෙයි. මම ඉපදුනෙම රත්නපුරේ මාරපන කියන ගමේ. පාසල් ගියෙත් මුලින්ම මාරපන. පස්සේ රත්නපුරේ සීවලියේ. වෘත්තියෙන් ගුරුවරයෙක්. උගන්වන්නේ ගණිතය.
කළුවා හිතන්නේ ගෝලීයවයි. වැඩකරන්නේ ප්රාදෙශීයවයි. ඉතින් කළුවා හිතුව ප්‍රාදේශීය බ්ලොග් අඩවියක් අන්තර් ජාලය ඔස්සේ ගෝලීය පාඨකයාට ලබා දෙන්න. හැබැයි මෙතන කිසිම ප්‍රාදේශීය වාදයක් නම් නැහැ. කළුවා තමන්ගේ ඉපදුන ගමට රටට ආදරෙයි. ඒ පමණටම අනිත් අයගේ ඉපදුන ගම් රටවලටත් ආදරෙයි.
සමන් දෙවියන්ගේ අඩවියේ බ්ලොග් අඩවිය කියල මේක පටන් ගත්තේ සමන් දෙවියෝ රත්නපුරේට විතරක් අයිති කර ගන්න එහෙම නෙමෙයි.
රත්නපුරේ ජන ජීවිතයේ අසිරිය සහ වේදනාව කියන දෙකම සමස්ත ලෝක ධාතුවේම සිටින බ්ලොග් අඩවි කියවන හුදී ජනයාගේ පහන් සංවේගය උදෙසා සටහන් කර තැබීම තමයි මේ බ්ලොග් අඩවියේ අරමුණ. ඉතින් උනන්දු වන තමුන්නාන්සේලා සියලු දෙනාටමත් මේකට සම්බන්ධ වෙන්න පුළුවන් කොමෙන්ටු එහෙම දාල. එහෙනම් ආයුබෝවන් කියල නමෝ විත්තියෙන්ම පටන් ගමු මාරපන කළු පුතාගේ බ්ලොග් කෙරුවාව .
No comments:
Post a Comment